សូម​មេត្តា​អាណិត​លោក​ប៉ូលីស​ចរាចរណ៍​ស្រុក​ខ្មែរ​ផង!

ជួយពិចារណា ពីនីតិវិធីប៉ូលិសខណ្ឌចំការមន

530824_10200506819581363_693740854_n

ល្ងាចមិញខ្ញុំបានយកម៉ូតូដែលទើបនិងទិញ (ទិញល្ងាចម្សិលមិញ) ទៅបិទស្គុត ដោយមិនបានដាក់ឯកសារម៉ូតូតាមខ្លួននោះទេ។ នៅម៉ោង ៦:៩០នាទី ខណៈជិះដល់វត្តមហាមន្ត្រី ក៏ត្រូវប៉ូលិសពីរនាក់ឃាត់ឪ្យឈប់ ហើយសួរនាំ អំពីមូលហេតុដែលម៉ូតូគ្មានស្លាកលេខ ។
ខ្ញុំក៏ប្រាប់ថា ម៉ូតូនេះទើបនិងទិញល្ងាចម្សិលមិញទេ មិនទាន់បានធ្វើស្លាកលេខ ។
បន្ទាប់មកប៉ូលិសនោះក៏សួរ រកឯកសារ បើគ្មាន ត្រូវយកម៉ូតូនេះទៅខណ្ឌ
ខ្ញុំប្រាប់វិញថា “ឯកសារខ្ញុំមានទាំងអស់ តែមិននៅនិងខ្លួនទេ ឥឡូវ ។ សូមចាំបន្តិច ខ្ញុំនិងទូរស័ព្ទឲ្យមិត្តភ័ក្ដិខ្ញុំយកមកឲ្យ ” ។
តែប៉ូលិសនោះ មិនព្រមចាំ ដោយលេសថាការងារគាត់ច្រើនណាស់ គ្មានពេលចាំទេ ហើយទាមទារយកម៉ូតូខ្ញុំទៅខណ្ឌឲ្យតែបាន
បន្ទាប់ខ្ញុំមក ជិះម៉ូតូនេះជាមួយប៉ូលិស មកខណ្ឌចំការមន ។ មកដល់ខណ្ឌ ប៉ូលិសបានរក្សាទុកម៉ូតូខ្ញុំ និងព្រមទាំងយកសោទុកទៀតផង ហើយឲ្យទៅជួបប៉ូលិសម្នាក់ទៀត ។ គាត់ក៏ប្រាប់ខ្ញុំថាឲ្យទៅយកឯកសារមក ។
-ខ្ញុំបានទូរស័ព្ទ ឲ្យប្អូន យកឯកសារទាំងអស់មក និងបានប្រគល់ឲ្យប៉ូលិសម្នាក់នោះត្រួតពិនិត្យ ហើយក៏ឃើញថាត្រឹមត្រូវទាំងអស់ ។ តែប៉ូលិសនោះ បែរឲ្យខ្ញុំយកឯកសារទាំងនេះទៅ photocopy ១ច្បាប់ រួចយកមកឲ្យគាត់វិញ។
-ខ្ញុំនឹកហួសចិត្ត គិតថា ម៉េចពេលប្រាប់ឲ្យយកឯកសារ មិនឲ្យ photocopy ឲ្យហើយមក ??? គ្មានវិធី ក៏ត្រលប់យកឯកសារទាំងអស់ ទៅរកកន្លែង copy ហើយប្រគល់ឲ្យប៉ូលិសនោះវិញ ។
– ប៉ូលិសនោះ បានឯកសារហើយ … រួចទូរស័ព្ទសួរនិយាយជាមួយនរណាម្នាក់មួយភ្លែត រួចក៏ប្រាប់ខ្ញុំថា ម៉ូតូនេះ ចាំព្រឹកម៉ោង ៩ សឹមមកជួបម្ដងទៀត ។
ខ្ញុំឆ្ងល់ណាស់ ថា “ឯកសារគ្រប់អស់ហើយ ម៉េចបានចាំព្រឹកបានឲ្យមកជួបម្ដងទៀត?? ហើយបើចាំព្រឹកស្អែក ចាំមកជួបទៀតដ៏ដែល ម៉េចចាំបាចឲ្យរត់ទៅឯកសារផង copy ផងពីរបីត្រឡប់ធ្វើអី ???? ”
ខ្ញុំទទូចសូមយកមកវិញ តែប៉ូលិសនោះនៅតែនិយាយថា ម៉ូតូនេះ គេគង់តែឲ្យទេ តែចាំស្អែក ។

ដោយគ្មានវិធី ខ្ញុំក៏ស្នើឲ្យគាត់ធ្វើលិខិតបញ្ជាក់មួយថា បានដកហូតម៉ូតូខ្ញុំទុកមែន ។ ខ្ញុំបានផ្ដិតមេដៃក្នុងលិខិតនោះ ហើយសូមឲ្យគាត់ផ្ដិតដែរ …. តែគាត់មិនព្រមផ្ដិត ហើយមានប៉ូលិសម្នាក់ទៀតនិយាយដដែលថា មកដល់ស្អែកគេឲ្យម៉ូតូនិងវិញហើយ ។

អស់តម្រិះក៏ខុសចិត្តដើរចេញពីខណ្ឌ ដោយក្ដីបារម្មណ៍ ត្បិតអីទាំងម៉ូតូ ទាំងសោនៅគេទាំងអស់ ។ តើគេទុកម៉ូតូយើងធ្វើអ្វី បើឯកសារដែលទាមទារប្រគល់ឲ្យអស់ហើយនោះ ??? មានតែចាំអ៊ុតមើលថ្ងៃស្អែក **បានម៉ូតូទាំងមូល** មកវិញចុះ ។

ខ្ញុំឆ្ងល់ថា តើនេះជានីតិវិធីអ្វីទៅ បើចាប់ម៉ូតូហើយ យកឯកសារមកឲ្យមិនព្រមចាំ , ដល់ខណ្ឌក៏ទាមទារឯកសារទាំងនោះ ហើយបានយកឲ្យពិនិត្យមើលថាត្រឹមត្រូវហើយ ក៏នៅតែមិនព្រមឲ្យយកម៉ូតូមកផ្ទះ …. នៅទាមទាររក្សាម៉ូតូទុក ចាំស្អែក សឹមមកជួយម្ដងទៀត ។ តើទៅជួបធ្វើអ្វីទៀត ? រកឯកសារអ្វីទៀត ? បែបនិងប្រហែលស្អែកត្រូវខាតការងារមួយព្រឹកទៀតហើយ ។

ដូចករណីខ្ញុំខាងលើនេះ ខ្ញុំយល់ឃើញថា នីតិវិធីរបស់ប៉ូលិសចាត់ឡើងដោះស្រាយករណីខ្ញុំដូចជាត្រឡប់ត្រឡិនមិនមានភាពរលូនសោះ គឺកាន់តែបង្កតែជាបញ្ហា។
តើប៉ូលិសអាចសម្រួលនីតិវិធីការងារឲ្យប្រសើរ ដើម្បីសម្រួលដល់អ្នកដែលគោរពច្បាប់ខ្លះផងបានទេ ?

បន្ទាប់​ពី​អាន​រឿង​ខាងលើ​នេះ​ចប់ តើ​លោក​អ្នក​អាន​មាន​ចិត្ត​អាណិត​លោក​ប៉ូលីស​ចរាចរណ៍​ទាំង​នោះ​ដែរឬទេ? បើ​ខ្ញុំ​វិញ​គឺ​អាណិត​ពួក​គាត់​ខ្លោច​ចិត្ត​ ព្រោះ​ពួកគាត់​ខិតខំ​រិះ​រក​វិធី​ទាំង​នេះ​បាន​មក​ទាំង​ពិបាក។

ប្រភព៖ ហ្វេសប៊ុក

នេះ​មិន​មែន​ជា​រឿង​របស់​ខ្ញុំ​ទេ តែ​ខ្ញុំ​បាន​មក​ពី​ហ្វេសប៊ុក តែ​និយាយ​ទៅ​ខ្ញុំ​ក៏​ធ្លាប់​ជួប​រឿង​ស្រដៀង​គ្នា​នេះ​ដែរ! 

ទំនាក់ទំនងអន្តរជាតិ

សេចក្តីផ្តើម និងប្រវត្តិនៃទំនាក់ទំនងអន្តរជាតិ

១. សេចក្តីផ្តើមនៃទំនាក់ទំនងអន្តរជាតិ

ក. និយមន័យ

ទំនាក់ទំនងអន្តរជាតិ គឺជាទំនាក់ទំនងរវាងរដ្ឋអធិបតេយ្យមួយ ជាមួយរដ្ឋអធិបតេយ្យមួយទៀត ឬជាមួយអង្គារអន្តរជាតិ ឬជាមួយបុគ្គលសំខាន់ៗ ឬជាមួយសាជីវកម្មអន្តរជាតិ ឬក៏សំដៅលើសកម្មភាពទាក់ទងគ្នារវាងតួអង្គទាំងនេះ ដោយឈរនៅលើគោលការណ៍នៃច្បាប់អន្តរជាតិ។

ទន្ទឹមនឹងនោះដែរ ទំនាក់ទំនងអន្តរជាតិ មានកម្មវត្ថុចម្បងមួយ គឺផ្តោតការសិក្សា និងស្រាវជ្រាវទៅលើនយោបាយអន្តរជាតិ និងព្រិត្តិការណ៍ទាំងឡាយដែលវិវត្តន៍នៅក្នុងពិភពលោកយើងនេះ។

ទំនាក់ទំនងអន្តរជាតិមានការពាក់ព័ន្ធយ៉ាងជិតស្និទ្ធទៅនឹងសង្គមវិទ្យា ចិត្តវិទ្យា ប្រវត្តិសាស្ត្រ ទស្សនៈវិជ្ជា និង វិទ្យា សាស្ត្រ ដទៃ ទៀត ។

ខ. សារៈសំខាន់នៃការសិក្សាទំនាក់ទំនងអន្តរជាតិ

ផ្តល់ឲ្យយើងនូវពុទ្ធិដូចខាងក្រោម៖

  • ដឹងអំពីមូលដ្ឋានច្បាប់ទំនាក់ទំនងរវាងរដ្ឋមួយ នឹងរដ្ឋមួយទៀត
  • ដឹងអំពីនយោបាយការបរទេស និងឥទ្ធិពលរបស់រដ្ឋនីមួយៗ
  • ដឹងអំពីតថភាព និងព្រឹត្តិការណ៍អន្តរជាតិ
  • ដឹងពីវិធីសាស្ត្រនៃការដោះស្រាយបញ្ហាជម្លោះអន្តរជាតិ

គ. កត្តា ៧ យ៉ាងដែលជម្រុញឲ្យទំនាក់ទំនងអន្តរជាតិកើតឡើង

  • កត្តាភូមិសាស្ត្រ
  • កត្តាប្រជាជន និងសាសនា
  • កត្តាសេដ្ឋកិច្ច
  • កត្តាបច្ចេកទេស
  • កត្តាមនោគមន៍វិជ្ជា និងនយោបាយ
  • កត្តាការសម្របសម្រួល និងឥទ្ធិពល
  • កត្តាច្បាប់

វិទ្យាសាស្ត្រនយោបាយ មកពីពាក្យថា វិទ្យាសាស្ត្រ + នយោបាយ

វិទ្យាសាស្ត្រ = ជាការសិក្សាស្រាវជ្រាវទៅលើអ្វីមួយ។

នយោបាយ = ឬសគល់នៃពាក្យថា “នយោបាយ” គឺចេញមកពីភាសាក្រិចថា “Politika” ដែលមានន័យថាកិច្ចការទំនាក់ទំនងការងារក្នុងសង្គម។

ដូចនេះមានអ្នកទស្សនវិទូជាច្រើនបានឲ្យនិយមន័យ “វិទ្យាសាស្ត្រនយោបាយ” ថាគឺជា៖

ន័យទី១៖ ជាការសិក្សាស្រាវជ្រាវទៅលើដំណើរការ គោលការណ៍ និងរចនាសម្ព័ន្ធនៃរដ្ឋាភិបាលមួយ ឬ ស្ថាប័ននយោបាយមួយ។

ន័យទី២៖ តាមលោក Vladilen Semonovich Serbin បានឲ្យនិយមន័យថា វិទ្យាសាស្ត្រនយោបាយ គឺជាវិជ្ជាដែលសិក្សាអំពីកិច្ចការទំនាក់ទំនងរវាងស្ថាប័ននយោបាយ អង្គការនយោបាយ ដែលក្នុងនោះរួមមានរដ្ឋាភិបាល គណបក្សនយោបាយ អង្គការសង្គមនានា ពិសេសគឺសិក្សាទៅលើមុខងារ និងដំណើរការវិវត្តន៍របស់វា។ អាចនិយាយបានថា គឺជាវិទ្យាសាស្ត្រ ដែលសិក្សាអំពីជីវិតនយោបាយសង្គម ចំពោះគ្រប់បាតុភូតនយោបាយទាំងអស់ដែលកើតមានឡើង។

អំណាច

ន័យទី១៖ គឺជាលទ្ធភាពដែលអាចធ្វើឲ្យមានឥទ្ធិពលទៅលើអាកប្បកិរិយារបស់អ្នកដទៃ។

ន័យទី២៖ គឺការអាចធ្វើឲ្យនរណាម្នាក់ធ្វើអ្វីមួយ ដែលគេមិនចង់ធ្វើ។

ន័យទី៣៖ លោក Ian Robertson និយាយថាអំណាចគឺជាសមត្ថភាពក្នុងការចូលរួមប្រកបដោយប្រសិទ្ធិភាព នៅក្នុងដំណើរការធ្វើសេចក្តីសម្រេច។

ន័យទី៤៖ លោក N.J. Demerath III និងលោក Gerald Marwell គឺជាសមត្ថភាពក្នុងការធ្វើអ្វីទៅបីជាមានឧបសគ្គ និងការរារាំងក៏ដោយ។

អំណាចមានដូចជា កម្លាំង ការបញ្ជុះបញ្ចូល រង្វាន់ ឬលុយ ព័ត៌មាន រូបសម្ផស្ស សមត្ថភាព និងអាវុធជាដើម។

ដកស្រង់ចេញពីសៀវភៅ ទំនាក់ទំនងអន្តរជាតិ ដោយលោកមូល វិចិត្រ

ការ​អប់​រំ និង បរិញ្ញាប័ត្រវិស្វករ​សំណង់​ស៊ីវិល

The civil engineer

វិស្វករ​សំណង់​ស៊ីវិល

Education and licensure

ការ​អប់​រំ និង បរិញ្ញាប័ត្រ

Main article: Civil engineer

អត្ថ​បទ​ដើម៖ វិស្វ​ករ​សំណង់​ស៊ីវិល 

វិស្វ​កម្ម​សំណង់​ស៊ីវិល គឺ​ជា​ផ្នែក​មួយ​នៃ​មុខ​វិជ្ជា​សំណង់​ស៊ីវិល។ រយៈ​ពេល​សិក្សា​ មាន​ចាប់​ពី ៣ឆ្នាំ រហូត​ដល់​ ៥ឆ្នាំ​ដើម្បី​បញ្ចប់​កម្រិត​បរិញ្ញាប័ត្រ​វិស្វ​កម្ម​សំណង់​ស៊ីវិល ដែល​សកល​វិទ្យាល័យ​មួយ​ចំនួន​ហៅ​ថា បរិញ្ញាប័ត្រ​ផ្នែក​វិទ្យាសាស្ត្រ​។ កម្រិត​សិក្សា​ប្រភេទនេះ​ ជា​ទូ​ទៅ​មាន​បញ្ចូល​នូវ​មេរៀន​ជា​ច្រើន​ទាក់​ទង​ទៅ​នឹង រូប​វិទ្យា, គណិត​វិទ្យា, ការ​គ្រប់​គ្រង​គម្រោង, រចនានិង ប្រធាន​បទ​ទាក់​ទិន​នឹង​វិស្វ​កម្ម​សំណង់​ស៊ីវិល។ ពី​ដំបូង​ឡើយ​ ប្រធាន​បទ​ទាំង​នេះ​គ្រប​ដណ្តប់​​ទៅ​លើ​មុខវិជ្ជា​រាយ​រង​ដ៏ទៃ​ទៀតនៃ​ផ្នែក​វិស្វ​កម្ម​សំណង់​ស៊ីវិលស្ទើរ​តែ​ទាំង​អស់ ទោះ​​មិន​គ្របដណ្តប់​លើ​គ្រប់​មុខ​ក៏​ដោយ។ បន្ទាប់​មក​ទៀត ទើប​សិស្ស​អាច​ជ្រើស​រើស​នូវ​មុខ​វិជ្ជា​ជំនាញ​ចំនួន​មួយ ឬ​ច្រើនលើស​ពី​នេះ ក្នុង​ចំណោម​មុខ​វិជ្ជា​រាងយ​រង នៅ​ចុង​បញ្ចប់​នៃ​កម្រិត​បរិញ្ញាប័ត្រ​របស់សិស្ស​។ នៅ​ពេល​ដែល​និស្សិត​មិន​ទាន់​បាន​បញ្ចប់​កម្រិត​បរិញ្ញាប័ត្រ​ (បរិញ្ញាប័ត្រអក្សរសាស្ត្រ​អង់​គ្លេស/បរិញ្ញាប័ត្រ​វិទ្យាសាស្ត្រ​) នៅឡើយ​នោះ  សកល​វិទ្យាល័យ​នឹង​ផ្តល់​នូវ​លក្ខណៈ​សម្បត្តិ​កម្រិត​សិក្សា​ដែល​ត្រូវ​បាន​ទទួល​ស្គាល់ក្នុង​ការ​ប្រើ​ប្រាស់​ក្នុង​វិស័យ​ឧស្សាហកម្ម។ សកលវិទ្យាល័យ​ខ្លះ​ផ្តល់​ឲ្យ​សិស្ស​នូវ​ពាន​រង្វាន់​វិស្វ​កម្ម​សំណង់​ស៊ីវិល​សម្រាប់​សិស្ស​ដែល​បន្ត​ការ​សិក្សា​បន្ទាប់​ពី​បញ្ចប់​ការ​សិក្សា​កម្រិត​បរិញ្ញាប័ត្រ​ហើយ  (អនុបណ្ឌិត​អក្សរ​សាស្ត្រ​អង់​គ្លេស/អនុបណ្ឌិត​វិទ្យាសាស្ត្រ​) ដែល​អាច​អនុញ្ញាត​ឲ្យ​សិស្ស​បន្ត​ការ​សិក្សា​តទៅ​មុខ​ទៀត​ក្នុង​ជំនាញ​ជាក់​លាក់​មួយ​ដែល​គេ​ចាប់​អារម្មណ៍​ ដែល​ជាប់​ទាក់​ទង​ទៅ​នឹង​ផ្នែក​វិស្វ​កម្ម​។

ស្ទើរ​តែ​គ្រប់​ប្រទេស​ទាំង​អស់, កម្រិត​បរិញ្ញាប័ត្រ​ក្នុង​ផ្នែក​វិស្វ​កម្ម​ គឺតំណាង​ឲ្យ​ជំហាន​ដំបូង​ឈាន​ឆ្ពោះ​ទៅ​រក​សញ្ញាប័ត្រ​ជំនាញ​វិជ្ជា​ជីវៈ​ ហើយ​កម្ម​វិធី​សិក្សា​នេះ​ផ្ទាល់​ត្រូវ​បាន​ទទួល​ស្គាល់​ដោយ​សមាគម​ជំនាញ​វិជ្ជា​ជីវៈ​។  ក្រោយ​ពី​បញ្ចប់​កម្ម​វិធី​សិក្សា​ចប់​សព្វ​គ្រប់​អស់​ហើយនោះ វិស្វករ​ត្រូវ​តែ​បំពេញ​នៅ​លក្ខខ័ណ្ឌ​មួយ​ចំនួន​ (មាន​ដូច​ជា​បទពិសោធន៍​ការងារ​ និង ទាម​ទារ​ឲ្យ​ឆ្លងកាត់​ការ​ប្រឡង​ជាដើម) មុន​ពេល​ត្រូវ​បាន​គេ​ទទួល​ស្គាល់​ជា​វិស្វ​ករ​ពេញ​សិទ្ធិ​ម្នាក់។ ក្រោយ​ពី​បាន​ទទួល​ស្គាល់​ជា​វិស្វ​ករ​ពេញ​សិទ្ធិ​ហើយនោះ វិស្វ​ករ​ត្រូវ​បាន​គេ​ឲ្យ​ងារ​ជា​វិស្វ​ករ​ជំនាញ​ (នៅ​សហរដ្ឋ​អាមេរិក, កាណាដ និង អាព្រិច​ខាង​ត្បូង), ឬទទួល​បាន​ងារ​ជា Chartered Engineer (នៅ​ក្នុង​បណ្តា​ប្រទេស​ជា​សាធារណៈ​រដ្ឋ​ភាគ​ច្រើន), ឬទទួល​ងារ​ជា Chartered Professional Engineer (នៅ​ប្រទេសអូស្ត្រា​លី និង ញូហ្សេលេន), ឬទទួល​ងារ​ជា វិស្វ​ករ​ជន​ជាតិ​អ៊ឺរ៉ុប (នៅ​សហគមន៍​អ៊ឺរ៉ុប)។ មាន​ការ​ទទួល​ព្រម​ពី​វិស្វកម្ម​អន្តរជាតិ​ជាមួយ​នឹង​សមាគមន៍​វិជ្ជា​ជីវៈ​ដែល​ជាប់​ទាក់​ទង​ ក្នុង​ការ​អនុញ្ញាត​ឲ្យ​វិស្វ​ករ​មាន​សិទ្ធិ​អនុវត្ត​ការងារ​ដោយ​ឆ្លង​ដែន​អន្តរ​ជាតិ​បាន។

ផល​ប្រយោជន៍​នៃ​ការ​ទទួល​ស្គាល់​សិទ្ធិ​ជា​វិស្វ​ករ​ម្នាក់​ មានលក្ខណៈ​ខុស​ៗ​គ្នា​ទៅ​តាម​តំបន់​។ ឧទាហរណ៍​ដូច​ជា​នៅ​សហរដ្ឋ​អាមេរិក និង កាណាដា ដែល​ “អនុញ្ញាត​ឲ្យ​តែ​វិស្វ​ករ​ដែល​មាន​អជ្ញា​ប័ណ្ណ​ត្រឹម​ត្រូវ​តែ​ប៉ុណ្ណោះ​ ទើប​អាច​មាន​សិទ្ធិ​រៀប​ចំ, ចុះ​ហត្ថ​លេខា និង ត្រា ព្រម​ទាំង​ ទទួល​យក​គម្រោងវិស្វ​កម្ម​ និង គំនូរ​ ឲ្យ​ទៅ​អជ្ញា​ធរ​មាន​អំណាច​ដើម្បី​បញ្ជាក់​ទទួល​ស្គាល់​ ឬ បោះ​ត្រា​ការ​ងារ​វិស្វ​កម្ម​ សម្រាប់​អតិ​ថិ​ជន​សាធារណៈ និង ឯក​ជន​បាន”។ ការ​ទាម​ទារ​ឲ្យ​ធ្វើ​បែប​នេះ ត្រូវ​បាន​ដាក់ឲ្យ​ប្រតិ​បត្តិ​ដោយ​រដ្ឋ និង នីតិ​រដ្ឋ​ មាន​ជា​អាទិ៍​ដូច​ជា​ Quebec’s Engineers Act ជាដើម​។ នៅ​បណ្តា​ប្រទេស​ផ្សេង​ពី​នេះ​ មិន​មាន​ច្បាប់​ដូចនេះ​ឡើយ។ នៅ​ប្រទេស​អូស្ត្រា​លី ការ​ឲ្យ​អជ្ញាប័ណ្ណ​វិស្វ​ករ​ គឺ​មាន​តែ​នៅ​រដ្ឋ​ Queensland​ តែប៉ុណ្ណោះ។ ក្នុង​ការ​អនុវត្តជាក់​ស្តែង រាល់​សមាគម​វិជ្ជា​ជីវៈ​វិស្វ​កម្ម​ទាំង​អស់​រក្សា​ទុក​នូវក្រុម​ប្រឹក្សាភិបាល (code of ethics) ដែល​រំពឹង​ថា​សមាជិត​ទាំងអស់​នឹង​អនុលោម​តាម ឬ ប្រថុយ​នឹង​ការ​បដិសេធ​។ តាម​របៀប​នេះ អង្គការ​ទាំង​ឡាយ​ដើរ​តួនាទី​យ៉ាង​សំខាន់​ក្នុង​ការ​រក្សា​នូវ​ក្រម​សីល​ធម៌​ស្តង់​ដារសម្រាប់​វិ​ជ្ជា​ជីវៈ​នេះ។ ទោះ​បីជា​មាន​យុត្តា​ធិការ​ នៅ​ទី​ដែល​មាន​ច្បាប់​ ឬ ទី​ដែល​គ្មាន​ច្បាប់​ការ​ពារ​ការងារ​ក៏​ដោយ វិស្វករ​ត្រូវ​តែ​ស្ថិត​នៅ​ក្រោម​ច្បាប់​ជានិច្ច។​ ក្នុង​ករណី​ នៅ​តំបន់​ដែល​ការ​ងារ​របស់​វិស្វ​ករ​មាន​ការ​បរា​ជ័យ​ នោះ​គាត់​ត្រូវ​តែ​ទទួល​ខុស​ត្រូវ​ចំពោះ​ទង្វើធ្វេស​ប្រហែស​របស់​គាត់​ ហើយ​បើ​ក្នុង​ករណី​ធ្ងន់​ធ្ងរ​វិញនោះ គាត់​នឹង​ត្រូវជាប់​ចោទ​ពី​បទ​ឧក្រិដ្ឋ​ធ្វេស​ប្រហែស​។ ការ​ងារ​របស់​វិស្វ​ករ​ត្រូវ​តែ​ស្ថិត​នៅក្រោម​ការ​គ្រប់​គ្រង់​របស់​ច្បាប់​ និង បទ​បញ្ជា​ជា​ច្រើនដូច​ជា​ ច្បាប់​សាង​សង់​​អគារ​ និង ច្បាប់​ជាប់​ទាក់​ទង​ទៅ​នឹង​បរិស្ថាន​ជាដើម​។

វិន័យការងារ​របស់​អ្នក​រាជ​ការ

ប្រការ៥០៖

អ្នករាជការគ្រប់រូបត្រូវ៖

-គោរពអនុវត្តតាមច្បាប់ បទបញ្ជាផ្ទៃក្នុង ការណែនាំ និងការចាត់ចែងរបស់ថ្នាក់ដឹកនាំរបស់ខ្លួន

-អនុវត្តការងារស្របតាមការពិពណ៌នា តួនាទីភារកិច្ចក្នុងមុខតំណែងរបស់ខ្លួន

-ទទួលខុសត្រូវអំពីកិច្ចការ អំពើរបស់ខ្លួនដែលធ្វើអោយប៉ះពាល់ដល់សេចក្តីថ្លៃថ្នូរ និងកិតិ្តយស

របស់ស្ថាប័ន។

ប្រការ៥១៖

អ្នករាជការទាំងឡាយណា ដែលរំលោភច្បាប់ស្តីពីលក្ខន្តិកៈមន្រ្តីរាជការនៃក្រុមនីតិប្បញ្ញត្តិ និង​បទបញ្ជាផ្ទៃក្នុង ត្រូវទទួលទណ្ឌកម្មខាងវិន័យ។ ក្រុមប្រឹក្សាវិន័យ ត្រូវបង្កើតឡើងស្របតាមមាត្រា៥៦ នៃច្បាប់ស្តីពីលក្ខន្តិកៈមន្រ្តីរាជការនៃក្រុមនីតិប្បញ្ញត្តិ។

ប្រការ៥២៖

មិនត្រូវបានពិនិត្យអោយឡើងថ្នាក់ឡើយ ទោះបីជាមានឈ្មោះក្នុងបញ្ជីតម្លើងថ្នាក់ហើយក្តី ចំពោះ៖

-អ្នករាជការណាដែលឈប់ឥតច្បាប់អនុញ្ញាតចំនួន ១០ពេល ក្នុងមួយឆ្នាំ

-អ្នករាជការណាដែលឈប់ចាប់ពី ៦០ពេលឡើងទៅ ក្នុងមួយឆ្នាំ គិតទាំងការឈប់មានច្បាប់ និងគ្មានច្បាប់អនុញ្ញាត។

ការឈប់នេះ មិនរាប់បញ្ចូលការឈប់ប្រចាំឆ្នាំ លំហែមាតុភាព និងឈប់សម្រាកថ្ងៃបុណ្យ ដែលកំណត់ដោយរដ្ឋាភិបាលទេ។

ប្រការ៥៣៖

អ្នករាជការដែលឈប់ឥតច្បាប់ចំនួន ១៥ថ្ងៃជាប់គ្នា គិតតែថ្ងៃធ្វើការ នឹងត្រូវបញ្ឈប់ពីការងារ លើកលែងតែអ្នករាជការនោះបានបង្ហាញពីមូលហេតុត្រឹមត្រូវ ដែលអាចជឿទុកចិត្តបានពីក្រុមប្រឹក្សា-វិន័យ។

ប្រការ៥៤៖

អ្នករាជការដែលមកដល់ការិយាល័យក្រោយម៉ោងរដ្ឋបាលកំណត់ ឬចេញពីការិយាល័យមុន ម៉ោងរដ្ឋបាលកំណត់ ត្រូវរាប់ថាមកយឺត ឬចេញមុនម៉ោង។

ប្រធានការិយាល័យ ត្រូវតាមដាន កត់សំគាល់ និងទទួលខុសត្រូវអំពីករណីនេះចំពោះថ្នាក់-ដឹកនាំ និងអ្នកក្រោមឱវាទទាំងអស់។

ប្រការ៥៥៖

អ្នករាជការដែលមកយឺតចំនួន ៣ដង ឬចេញមុនម៉ោងធ្វើការចំនួន ៣ដង ដោយពុំមានដំណឹង ក្នុងមួយខែ ឬឈប់ឥតច្បាប់ចំនួន ១ពេល ត្រូវទទួលការអប់រំតាមឋានានុក្រមជាលើកទី១។

បើសិនជាអ្នករាជការនោះនៅតែប្រព្រឹត្តខុសដដែលៗទៀត នឹងត្រូវទទួលអប់រំតាមឋានានុក្រម ជាលើកទី២ ដោយអោយសាមីខ្លួនធ្វើកិច្ចសន្យាជាលាយលក្ខណ៍អក្សរថាឈប់ធ្វើខុសទៀតហើយ។ កំណត់ហេតុនៃការអប់រំ និងកិច្ចសន្យានេះ ត្រូវបញ្ជូនទៅនាយកដ្ឋានធនធានមនុស្ស។

ប្រការ៥៦៖

ក្រោយពីអប់រំ ២ដងហើយ បើអ្នករាជការនោះនៅតែមិនរាងចាលទៀត ត្រូវបញ្ជូនករណីនេះ ទៅលើតាមឋានានុក្រម ដើម្បីអប់រំឡើងវិញ មុននឹងបញ្ជូនទៅថ្នាក់ដឹកនាំអគ្គលេខាធិការដ្ឋាន។

ប្រការ៥៧៖

          អគ្គលេខាធិការ អាចបញ្ជូនសំណុំរឿងនេះទៅក្រុមប្រឹក្សាវិន័យ ដើម្បីពិនិត្យ និងផ្តល់យោបល់។

ប្រការ៥៨៖

ពេលចេញ-ចូល និងពេលបំពេញការងារប្រចាំថ្ងៃ អ្នករាជការទាំងអស់ត្រូវស្លៀកពាក់សមរម្យ និង Continue reading “វិន័យការងារ​របស់​អ្នក​រាជ​ការ”