កាលពីម្សិលម៉ិញ ថ្ងៃទី ១៣ ខែកក្កដា ឆ្នាំ ២០១១ ខ្ញុំបានទៅដើរលេងនៅវត្តភ្នំ នាវេលាម៉ោងប្រហែលជា ៤ល្ងាចទៅហើយ។ ស្រាប់តែឡើងទៅដល់ខាងក្រោយតូបលក់វត្ថុអនុស្សាវរីយ៍ក្បែរវិហារ លើវត្តភ្នំនោះ ខ្ញុំបានឃើញរឿងរ៉ាវដែលធ្លាប់តែអានក្នុងកាសែតមួយដោយផ្ទាល់ភ្នែក គឺគោចាស់ចង់ស៊ីស្មៅខ្ចី។
កញ្ញាអាយុប្រហែល ១៥ ឬ១៦ ត្រូវបានតាចាស់ម្នាក់អាយុប្រហែល ៦០ជាងទៅហើយ មកក្របួចអោប ថើបពីក្រោយខ្នង។ នារីនោះខំប្រតាយប្រតប់តបតវិញយករួចខ្លួន តែមិនហ៊ានស្រែកឡូឡាអីទេ ប្រហែលខ្លាចខ្មាសគេ បានត្រឹមតែមើលទៅគោចាស់នោះទាំងហួសចិត្ត មុខឡើងក្រហម ហើយចង់យំទៀតផង។ ខ្ញុំមានរឿងនិយាយដើមគេតែប៉ុណ្ណឹងឯង។
ខ្ញុំថាមិនយូរមិនឆាប់ទេ ស្មៅនោះនឹងត្រូវគោនោះស៊ីអស់មិនខានទេ ឲ្យតែយ៉ាងហ្នឹង សង្ឃឹមថាមិនមានរឿងឃាតកម្មកើតឡើង ដោយសារបង្ខំនេះទេ! គួរឲ្យអនោចអធ័មមែនទែន…នារីៗ ត្រូវបានបុរសធ្វើបាបរហូតមក ហើយបុរសមួយចំនួនតូច នៅតែធ្វើបាបនារីដដែល តាមផ្លូវចិត្ត ឬតាមផ្លូវកាយជាដើម។ សូមចាប់ផ្តើមពីខ្លួនអ្នកផ្ទាល់! កែប្រែ!
កំណត់ហេតុ ឌីយ៉ា 
ខ្ញុំក៏មិនដឹងដែរ! 🙂
LikeLike
តើមានដឹងថា តើស្ត្រីនោះត្រូវជាអ្វីនឹងតាចាស់នោះរឺអត់?
LikeLike
បាទ! តែពេលនេះ ល្ងាចៗឡើងគេមិនសូវឃើញមានទៀតទេ!
LikeLike
វត្តភ្នំមិនមែនជាកន្លែងដែលនារីក្មេងៗគួរទៅលេងទេ… ធ្លាប់ទៅហើយទទួលអារម្មណ៍ថាមិនសុវត្ថិភាពសោះ។ មានក្មេងហិតកាវច្រើន មនុស្សប្លែកមុខដែលចូលចិត្តសម្លឹងស្រីៗពីលើដល់ក្រោម ហើយហួចហៅ…
LikeLike
គេថតធើអីពូ? ញ៉ុមអត់សូវយល់
LikeLike
អត់ទេ! បើតាមការពិចារណានិងវិភាគនោះ បើការតថ្លៃពិតមែន គេពុំហ៊ានថើបឬធ្វើអីផ្តេសផ្តាសនោះទេ ហើយបើគ្រាន់តែថើបនោះ ស្រីលក់ខ្លួនគេមិនប្រកែកអីនោះទេ។
LikeLike
ប្រហែលជាមិនត្រូវតំលៃគ្នាដឹងបានជានារីនោះមិនព្រម?
យើងគួរគិតមើលបើនារីនោះពិតជាត្រឹមត្រូវប្រហែលជាគោចាស់មិនហ៊ាន
ចាប់ទាំងកណ្តាលវាលនោះទេ.
និយាយបែបនេះមិនមែនកាន់ជើងគោចាស់នោះទេ.
ពិបាកទុកចិត្តណាស់បើមើលពីសំបកក្រៅនោះ.
LikeLike
ចាំដើរកាត់ទីនោះម្តងទៀត រួចត្រៀមកាម៉េរាទៅដែរ ក្រែងអាចជួយអីបានខ្លះ!
LikeLike
បាទ! បានឃើញផ្ទាល់ភ្នែក!
LikeLike
ស្អីអាកញ្ចាស់នោះលេងសុទ្ធតែ ក្បាច់ យូរ៉ុប ផង ? 😀
LikeLike
គូកំណាត់ខ្មោចយ៍អី នាង អាយុ ១៥ ឆ្នាំ អាកញ្ចាស់នោះ ៦០ ផ្លាយឆ្នាំ ស្មានតែមានតែអាកញ្ចាស់ហ្នឹងអីក្នុងលោកនេះ? ពិបាកនិយាយ ព្រោះយើងមិនបាននៅទីនោះ បើបានប្រហែលអាកញ្ចាស់នោះ ចុះនរគថ្ងៃនោះមិនខាន សុំសួរមួយថា បើនាងជាប្អូនស្រី របស់អ្នកទាំងអស់គ្នា សុខចិត្តអោយអាប្រែតនោះ ធ្វើបាបនាងដែរអីហ្នឹង ?
LikeLike
គេជាគូកំណាន់គ្នាទេដឹង!
LikeLike
អូហូ! គេធ្វើបាបពូដល់ថ្នាក់ហ្នឹងផង?
LikeLike
ហិហិ! សម្បើមអីគេពូ?
LikeLike
កន្លែងនោះមានឆ្នាំងបាយអីទៀត ដូចលក្ខណៈស្នាក់នៅលើវត្តភ្នំនោះឯង មិនមែនស្រីផ្តេសផ្តាសទេ។ ម្យ៉ាងសម្លៀកបំពាក់គឺជាក្មេងស្រីធម្មតាម្នាក់តែប៉ុណ្ណោះ!
LikeLike
ខ្ញុំគិតថាមិនអញ្ចឹងទេ ព្រោះកាយវិការតានោះគួរឲ្យដឹងថា ជាការលួចបន្លំ ព្រោះតានោះមកពីក្រោយ ហើយមកចាប់បឺតមាត់ក្មេងស្រីនោះ! ឃើញនាងខំប្រតាយប្រត់បភ្លាម ហើយចង់យំទៀត!
LikeLike
ចាំខ្ញុំជួយទប់មុខកុំឲ្យវិលណាបង!
LikeLike
កាលពីឆ្នាំ ២០០៣ នេះឯង សុផាត ! ខេមរៈបក្សីហួសចិត្ត ! រឿងនេះជារឿងពិត មិនមែនស្ងាត់ទេ កណ្តាលទីផ្សារ គេលក់ឥវ៉ាន់ ឬនៅស្រុកនោះគេហៅថា Shopping Center ខ្ញុំធ្វើការសន្តិសុខ ឬខ្មែរយើងច្រើនហៅថា ប៉ូលិសយាមផ្សារ មានកាំភ្លើងខ្លីនៅចង្កេះ មានដំបងប៉ូលិស មានខ្នោះដៃ មានអាម៉េសបាញដាក់ភ្នែក ។ ពួកវាពីរនាក់ វាស្ទាក់ខាងមុខ វាស្ទាក់ខាងក្រោយ អាមួយអ្នកចាប់ អាមួយអ្នកថត ឥតទាស់អីអាលីង ! បើតាស៊ីក្លូបែបចាប់វិញហើយមើលទៅ ! គេចមិនអោយវាថតទេ តែវានៅតែថតបាន វាមានអាខែមរា អាម៉ាកល្អ ដែលថតបានរហ័ស ឬសម្រាប់ថតកីឡា គេហៅថា High Speed ? ប្រហែលជាមួយអាទិត្យក្រោយមក វាយក រូបថតអោយខ្ញុំមើល មិនដឹងជាវាថតបានប៉ុន្មាន ? តែវាអោយដែលមានតែរូបខ្ញុំ ឥឡូវនេះនៅមានរូបថតហ្នឹង នៅឡើយទេ ទុកគ្រាន់មើល !
LikeLike
យីស សម្បើមម្ល៉េះលោកបង!
LikeLike
កាលនុងបងនៅអាយុ ៣ ឬ៤ឆ្នាំនុងមែន? 😀
LikeLike
ញ៉ុមអត់ចូលចិត្តរៀនផ្នែកច្បាប់នឹងទេ តែធើមិចបើក្នុងមុខវិជ្ជាវាមានបង្រៀនច្បាប់ដែរ ហើយគ្រាន់តែបានឮលោកគ្រូគាត់យាយប្រាប់បែបនឹងទេ ការលួចថតគេ សមីខ្លួនគេមានសិទ្ធប្តឹង។ បើចំពោះ អ្នកមាននុខមាត់ ល្បីៗ ដូចជា នាយករដ្ឋមន្រ្តី តារាទូរទស្សន៍អីនុង លួចថតអីនឹងគឺមិនអីទេ ព្រោះពួកគេជាមនុស្សបស់មហាជនស្រាប់ហើយ ។ ហើយរូបដែលមាននៅលើបណ្តាញសង្គមផ្សេងៗ គេអាចប្តឹងបានគ្រប់គ្នា ប៉ុន្តែគ្មានអ្នកគេយកចិត្តទុកដាក់ចំពោះរឿងនឹងទេ ព្រោះគិតថាវាជាការលេងសើចប៉ុណ្ណឹង។ ឯអ្នកសារពត៌មាន គេអាចមានសិទ្ធពិសេសអី ខ្ញុំមិនដឹងទេ ពេលគ្រូយាយរឿងនឹង អត់បានស្តាប់ ។
LikeLike
ចឹងចាញ់ខ្ញុំទេ ខ្ញុំធ្លាប់ស្រីក្មេងៗ អាយុប្រម៉ាណជា ១៤-១៥ឆ្នាំ ដេញចាប់ខ្ញុំថើប រត់មិនរួច ដល់តែខលហៅប៉ូលិស អោយជួយ បានវាឈប់ នេះបានត្រឹមត្រូវ ! ម៉េចបងប្អូនយល់យ៉ាងណាដែរ ?
LikeLike
ខ្ញុំនៅតែមិនអស់ចិត្ត ខ្ញុំគិតថានាងអាចព្រមព្រៀងជាមួយតានោះរួចហើយក៏មិនដឹង
LikeLike
សុផាតមានរៀនច្បាប់រឺដែលបានអានច្បាប់ដែររឺទេ? អ្នកការសែតភាគច្រើនថតគេ តើចាំបាច់សុំគេដែររឺ? បើដូច្នេះមែននោះ មានរឿងរាប់លានដែរត្រូវប្ដឹងគ្នាទៅវិញទៅមក ដូចជា Facebook រឺក៏ youtube នេះជាដើម! ហើយបើអស់ត្រឹម កោះសន្តិភាព រស្មីកម្ពុជា និង កម្ពុជាថ្មី! រូបថតអ្នកដែលគ្មានជាប់ពាក់ព័ន្ធនឹងសំណុំរឿងខ្លះ ក៏បានឃើញក្នុងកាសែត! ហើយចុះម៉េចក៏គេមិនប្ដឹងចុះ!
ពេលដែលឃើញព្រឹត្តិការណ៍មួយដែលមិនសមរម្យ យើងត្រូវធ្វើតាមកាលៈទេសៈ ! បើយើងខុសគេនឹងប្ដឹងយើង តែបើគេខុសយើងក៏នឹងប្ដឹងគេដូចគ្នា! អស់សាច់ហើយត្រឹមសម្របសម្រួល!
@ឌីយ៉ា៖ «ពេលនោះថតមិនទាន់ទេ ព្រោះឃើញតានោះមកចាប់ថើបក្មេងស្រីនោះលឿនពេក!»
មិនបានអីក៏ស្រែកឲ្យផ្អើលដែរ (បើហ៊ាន) បើមិនស្រែកទេអាចថតទុកបាន (សំរាប់អ្នកដែលមិនហ៊ាន ខ្លាចគេតាមវ៉ៃ) ។ សំរាប់ខ្ញុំវិញ យើងធ្វើត្រូវនឹងនិតិវិធី ស្របតាមច្បាប់១០០ភាគរយ ចំពោះផ្នែកច្បាប់ និងផ្នែកបុគ្គល។ អ្វីដែលខ្ញុំចង់ប្រាប់ឌីយ៉ាឯងថា ប្រសិនជាលើកក្រោយបានឃើញបែបនេះទៀត យើងត្រូវថតទុក ព្រោះសកម្មភាពបែបនោះ វាអាចមានរយៈពេលខ្លី ដែលមិនអាចទៅធ្វើអន្តរាគមន៍ទាន់ពេលវេលាទេ! ភស្តុតាងគឺជារឿងចាំបាច់! សូមអស់យោបល់
LikeLike
អូយ!!! វិលមុខជំនួស!
LikeLike
គេអាចប្តឹងវិញបានដែរ! តែបើគេខុសវិញ គឺគេគ្មានសិទ្ធិប្តឹងទេ ព្រោះរឿងនេះគេអ្នកខុស! យ៉ាងណាៗ ខ្លាចតែគេតាមវ៉ៃទេ!
LikeLike
នេះក៏គូថ 😉 តែការលួចថតគេដោយគ្នានការអនុញ្ញាតក៏អាចគេវិញបានដែរ មែនអត់?
LikeLike
អ្នកនៅភូមិនេះសុទ្ធតែខ្លាំងៗដល់ហើយ! តួយ៉ាងដូចសុផាតជាដើម!
LikeLike
គូថ 😉
LikeLike
គំនិតល្អមែន! តែស្តាយណាស់ ពេលនោះថតមិនទាន់ទេ ព្រោះឃើញតានោះមកចាប់ថើបក្មេងស្រីនោះលឿនពេក!
LikeLike
មើលការរៀបរាប់ និងបានអានមតិខាងលើនោះហើយ ខ្ញុំក៏ចង់បញ្ចេញមតិខ្លះដែរ! ដូចនេះ ខ្ញុំសូមវាចារដូចតទៅ៖
បើប៉ះខ្ញុំឃើញវិញហេះ! ខ្ញុំថតទុកធ្វើភស្តុតាងឡើងតុលាការ ( ទោះសមីមិនប្តឹង តែមានភស្តុតាងគ្រប់គ្រាន់ដើម្បីប្ដឹង ហើយចំពោះរឿងវាយតប់នេះ ខ្ញុំមិនធ្វើឡើយ ព្រោះបើត្រូវអាតាហ្នឹងប្ដឹងពីបទបង្ករបួសស្នាម វាមិនក្លាយជាកំហុងយើងវិញទៅហើយ) មើលតែរៀងមិនស្រួលយើងត្រូវចូលអន្តរគមន៍ជាបន្ទាប់ យើងត្រូវលួងចិត្តស្ត្រីដែលជាជនរងគ្រោះសិន ដើម្បីបំប៉នសេចក្ដីក្លាហានប្ដឹងតានោះ! ចំពោះរឿងតុលាការនេះ វាផ្អែកលើភស្តុតាង និងចំលើយសាក្សីដែលអាចគ្រប់គ្រាន់ក្នុងការចោទប្ដឹងបាន!
ឌីយ៉ាមិនឆ្លាតសោះ ដែលមិនបានថតសកម្មភាពបែបនេះទុកជាភស្តុតាង!
ខ្ញុំក៏មិនគិតថាខ្លួនឯងឆ្លាតដែរ តែគ្រាន់តែជាអ្វីដែលខ្ញុំគិតប៉ុណ្ណោះ!
LikeLike
បាទ! សង្ឃឹមថាគាត់នឹងក្លាហានហ៊ានទៅប្តឹងទៅចុះ។ តែភាគច្រើនគិតថាអាចគេចពីបញ្ហានេះបាន លុះដល់ទឹកឡើងដល់ច្រមុះអស់ព្រហ្មចារីយ៍ទើបស្តាយក្រោយ។
LikeLike
មែនហើយ! និយាយត្រឹមត្រូវ! តែក្មេងស្រីភាគច្រើនមិនដែលធ្វើអញ្ចឹងទេ។ ពិតជាពិបាកមែន…
LikeLike
ខ្ញុំមិនមានសិទ្ធិប្តឹងទេ លុះត្រាតែសាមីខ្លួនគេព្រមប្តឹងដែរ។ ម្យ៉ាងស្រីខ្មែរទន់ខ្សោយភាគច្រើន មិនហ៊ានធ្វើអ្វីតបតឲ្យខ្លាំងក្លានោះទេ មួយខ្លាចអស់ភាពទីពឹង មួយខ្លាចខូចកិត្តិយស មួយខ្លាចដោយសារមានតែឯងតែលតោលគ្មានអ្នកជួយ មួយខ្លាចហើយមិនដឹងថាទៅរកអ្នកណាឲ្យជួយ។
LikeLike
ហិហិ! បើជាសុផាតវិញ នឹងធ្វើយ៉ាងម៉េចវិញ?
LikeLike
បើនាងស្រែក នាងនឹងខ្មះគេ អរិយ៍ធម៌នារីខ្មែរ ត្រូវបានគេបំពានយ៉ាងព្រៃផ្សៃជាទីបំផុត ។
LikeLike
នារីនោះគួរតែស្រែកបើនាងមិនពេញចិត្តនឹងអំពើរំលោភបំពាននោះ មនុស្សគ្រប់គ្នានឹងមិនសើចចំអកអោយនាងទេ ហើយនាងក៏មិនមានរឿងអ្វីត្រូវខ្មាស់គេដែរ អាអ្នកប្រព្រឹត្ត្អំពើស្មោកគ្រោកនោះទេ ដែលត្រូវទទួលនូវភាពអាម៉ាស់។
LikeLike
គួរឆ្ងល់ដែរថាម៉្តេចនារីនោះមិនព្រមស្រែក? ខ្មាសគេ ស្មើនឹងខាតបង់អ្វីផ្សេងដែរឬ? ប្រហែលជាមានអ្វីច្រើនជាងនេះដែលយើងមិនដឹង។ ចុះឌីយ៉ា ម៉េចមិនទៅប្តឹង?
LikeLike
ថឹមថូវហើយពូ!! 😉
LikeLike
រឿងដែលឈឺឆ្អាលបំផុតចំពោះខ្ញុំជាបុរសខ្មែរនោះ គឺ ពួកប្រែតនរគទាំងនោះ ដែលនាំមកនៅក្តី អាម៉ាស់ អំពើថោកទាបដល់ នារីខ្មែរ ។ បើខ្ញុំវិញ មិនបណ្តោយប្រែតនោះ មានឧកាសរ៉េ ខ្ញុំចេញក្បាច់វត្តសាវលីន ដាក់អាប្រែតនោះ អោយវារត់ប្រូច ចូលព្រៃប្រោក ចេញអាចម៍ប្រាវ បាត់ហើយ ! ។ សង្គមខ្មែរ អរិយធម៏ខ្មែរ តម្លៃស្រ្តីខ្មែរ តើនៅមានពន្លឺភ្លឺស្វាងទៅថ្ងៃមុខបានរ៉េ ? សូមប្អូនស្រីៗ មាននៅក្តីក្លាហានឡើង កុំអោយគេមើលងាយខ្លួនមើលតែសត្វពាហនះពេក ត្រូវដឹងថាខ្លួនជាមនុស្ស មិនមែនសាច់ជ្រូក បី ជាន់ លក់នៅ ផ្សារអូឬស្សីឯណា !
LikeLike
ជាង៦០ទៅហើយ ស៊ីស្មៅលែងដាច់ហើយ ស្រួលមិនស្រួលប៉ះស្មៅមានបន្លា ត្រូវស្មៅធ្វើបាបវិញ ហេហេហេ… ប៉ះប្អូនញ៉ុមវិញ ច្បាស់ជាត្រូវដេកបន្តក់ទឹកបបរដូចក្មេងតូចថាមិនខាន។
LikeLike
ចិត្តបងក៏ចឹងធ្វើអញ្ចឹងដែរ តែប្រទេសមានច្បាប់ យើងមានសិទ្ធិប្តឹងគេ តែគ្មានសិទ្ធិវាយគេទេ ហើយម្យ៉ាងត្រូវសាមីខ្លួនគេក្លាហានដែរ។
LikeLike
អូហូ៎!!! បើជាញុមវិញណា៎ អាតាហ្នឹងប្រាកដជាបានទៅដេកបន្តក់ទឹកបបរនៅពេទ្យហើយ (ណាគេថាឈ្លើយក៏ថាទៅ តែសុខចិត្តធ្វើឈ្លើយ បើបានជួបមនុស្សធុនថោករបៀបហ្នឹង)…
LikeLike