បេះដូង​ជាគ្រូ

ចង់​ប្រាប់​ថា ខ្ញុំ​ជៀស​មិន​ផុត​ពី​ការ​ធ្វើ​គ្រូ​សោះ។ ខ្ញុំ​មិន​សូវ​ស្រលាញ់​អាជីបជា​គ្រូ​បង្រៀនទេ តែ​ម៉េច​ក៏​ជៀស​មិន​ផុត​សោះ។ គេ​ចអីជួបហ្នឹង! តែ​ខ្ញុំ​មិន​ចូល​ចិត្ត​យ៉ាងណាក៏​ដោយចុះ ខ្ញុំ​តែង​តែ​មាន​អារម្មណ៍​ និង​បេះ​ដូង​ជាគ្រូជានិច្ច។ ខ្ញុំ​មានសិស្ស​ចំនួន​បី​នាក់ហើយ តែកាលពីមុន​មាន​សិស្ស​យ៉ាង​តិច​ក៏​ ៨០នាក់ដែរ។ មាន​អារម្មណ៍​ថាហត់ក៏ឈប់បង្រៀន តែ​នៅតែ​បង្រៀនដដែល។ ខ្ញុំ​គ្រាន់​តែ​ចង់​ប្រាប់​ថា ខ្ញុំ​ស្រលាញ់​សិស្ស​របស់​ខ្ញុំ​ណាស់ អាយុ​មិន​ខុស​គ្នាទេ រវាង​ខ្ញុំ​និង​សិស្ស​ តែ​ខ្ញុំ​ចង់​ឲ្យពួកគាត់​ចេះ​មែន! ខ្ញុំ​ខំ​ប្រឹង​បង្រៀនពួកគាត់ឲ្យអស់ពី​សមត្ថភាព និង​មិន​ឲ្យ​ពួកគាត់​ប្រឹង​រៀនអត់ប្រយោជន៍ទេ! មាន​សិស្ស​ពីរនាក់​ជាប់​បាក់ឌុប តែ​ម្នាក់ទៀត​រៀន​បាន​ត្រឹម​ថ្នាក់ទី ៦ប៉ុណ្ណោះ តែ​អ្នក​រៀន​បាន​តិច​ជាងគេ បែរ​ជាខំរៀនជាងគេទៅវិញ ពីរនាក់ទៀតនោះក៏ខំប្រឹង​ដូចគ្នាដែរ។

គ្រាន់​តែ​ក្លាយ​ជាគ្រូនេះ ខ្ញុំ​បាន​លះ​បង់​អស់​ច្រើនណាស់មានដឹងទេ? ខ្ញុំ​ចង់​ហាយ​ឡាយ​សក់​ធ្វើ​ស្ទាវ​ដូចគេក៏មិនបាន ចង់​ស្លៀកពាក់​ឡូ​យ​ៗក៏មិនបាន។ ធ្វើ​អ្វីក៏​ត្រូវ​មាន​សុជីវធម៌ជាគ្រូ​នៅ​ជាមួយដែរ។ ធ្វើ​ឲ្យ​យុវវ័យ​ដ៏​សប្បាយ​រីករាយកន្លង​ទៅអស់។ទៅណា​មាន​គេ​អោនលំទោនគោរព និង​និយាយ​លេង​ជាមួយ តែ​អ្វី​ដែល​ខ្ញុំ​ចង់​បាន​នោះ​មិន​មែន​អ៊ីចឹងទេ គឺ​ខ្ញុំ​ចង់​ឲ្យ​គេ​រាប់​អាន​នឹង​ស្និទ្ធស្នាល។ មួយ​ទៀតគឺ​ធ្វើ​គ្រូវ​ត្រូ​វឈរ​រហូត អូយយ៉ូយ!

ខ្ញុំ​សប្បាយ​ចិត្ត​នៅ​ពេល​លឺ​សិស្ស​និយាយ​ថា គេ​រៀន​ពី​ខ្ញុំ​ឆាប់​ទទួល​បាន​ពី​មេរៀន និង​សប្បាយ​ចិត្ត​នៅ​ពេល​ឃើញ​សិស្ស​ខំ​ប្រឹង​ប្រែង និង​មាន​លទ្ធផល​ល្អក្នុង​ការ​សិក្សា។ នេះ​ជា​អារម្មណ៍​របស់​ខ្ញុំ​ ជា​គ្រូ​បង្រៀនម្នាក់។ ស៊ូ ស៊ូ ស៊ូ គ្រូ គ្រូ គ្រូ!

និយាយ​ទៅនឹក​សិស្ស​ចាស់របស់ខ្ញុំណាស់ ពួកគាត់​មិន​ដឹងជា​ចេះ​ដល់​ណាហើយទេ? ហ៊ឺយ!

Advertisements

8 Replies to “បេះដូង​ជាគ្រូ”

    1. សម្តីដែល​ខ្ញុំ​និយាយ​ខាងលើ​នេះ ជា​សម្តី​លេង​សើច តែ​ក៏​មិន​ជា​ខុស​ដែរ។ ព្រោះ​វា​គ្រាន់​តែ​ជាអារម្មណ៍​មួយ​ប៉ុណ្ណោះ ជាអ្វី​ដែល​ខ្ញុំ​បាន​បោះបង់ ដើម្បី​ក្លាយ​ជាគំរូ​ល្អមួយ។ ហើយ​អ្វី​ដែល​ឡង់​ឌី​បាន​សរសេរ​នោះ ខ្ញុំ​ពិត​ជា​គាំ​ទ្រ​ដូចគ្នា។ តែ​ខ្ញុំ​យល់​ថា ប្រភព​អត្ថបទ​ដែល​ឡង់​ឌី​ដកស្រង់​នោះ​ក៏​ឡង់​ឌី​មិន​ទាន់​បាន​ស្គាល់​ច្បាស់​ដែរ។ ខ្ញុំ​បាន​ជួប​ផ្ទាល់​ ដែល​សម្តី​ដែល​សរសេរ​ក្នុង​តំណរភ្ជាប់​របស់​ឡង់​ឌី នេះ​ខុស​ពីអ្វី​ដែល​គាត់​បាន​សរសេរ។ យ៉ាង​ណា​ក៏ខ្ញុំ​គាំ​ទ្រ​គំនិត​ក្នុង​អត្ថបទ​របស់​ឡង់ឌីដែរ តែ​បើ​សរសេរ​ហើយ គួរ​ណា​តែ​ធ្វើ​ផងដែរ។ ខ្ញុំ​មិន​មែន​ជា​អ្នក​ពូកែ​គ្រប់យ៉ាងទេ យ៉ាង​ណា​ក៏​ខ្ញុំ​បាន​បណ្តុះ​នូវ​សមត្ថភាព​ និង​ចរិយាមាយាទ​ក្នុង​ជីវិត​របស់​គាត់ដែរ​ ហើយ​មួយ​ផ្នែក​ទៀត​គឺ​សិស្ស​ជា​អ្នក​អភិវឌ្ឃខ្លួន​ឯង ដូច​ដែល​ឡង់​ឌី​បាន​សរសេរ​ក្នុង​លីង​ខាង​លើ​ដែរ។

      Like

  1. សួរស្ដីលោកគ្រូ! ចំពោះខ្ញុំ ខ្ញុំស្រលាញ់ណាស់គ្រូខ្ញុំ ជាពសេសគ្រូនៅថ្នាក់វិទ្យាល័យ មុខវិជ្ជាគណិត និងភាសាខ្មែរ។ ប៉ុន្តែមានគ្រូមួយចំនួនធើ្វឲ្យសិស្សស្អប់ តើលោកគ្រូយល់យ៉ាងណា?

    Like

    1. សុផាត​អាច​ចូល​ទៅ​មើល​ក្នុ​ងតំណ​ភ្ជាប់​ដែល​ឡង់​ឌី បាន​ដាក់​នៅ​ខាង​ក្រោម​បាន ដែល​និយាយ​ពី​ចរិត​លក្ខណៈ​គ្រូ​បង្រៀន។ តាម​គំនិត​ខ្ញុំ​វិញ គ្រូ​សម័យ​នេះ​ខុស​ពី​គ្រូ​សម័យ​មុន តែ​យ៉ាង​ណា​គាត់​បាន​ចូល​រួម​ចំនែក​ក្នុង​ជីវិត​របស់​យើង​ ក្នុង​ការ​អភិវឌ្ឃន៍​ដែរ ព្យាយាម​យល់​ពីពួកគាត់ ហើយ​អ្វី​ដែល​មិន​ល្អ​កុំ​យក​តម្រាប់តាម។ ពុត​គ្រូ​កុំ​ត្រាប់​ ច្បាប់​គ្រូ​ឲ្យ​យក! ខ្ញុំ​ក៏​មាន​ការ​អាក់​អន់​ស្រពន់​ចិត្ត​ខ្លះ​ដែរ​កាល​នៅ​ជាសិស្ស តែ​ដល់​ពេល​ខ្ញុំ​ធ្វើ​គ្រូ​ខ្ញុំ​ មិន​បាន​យក​គំរូ​អាក្រក់​ពីពួកគាត់​មក​ធ្វើទេ។ ចាប់​ផ្តើម​ពី​ខ្លួន​យើង​ផ្ទាល់។ ចាត់​ទុក​ថា​ពួកគាត់​ជា​កញ្ចក់​សម្រាប់យើងចុះ។

      Like

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s